KITAPXANA – baspa hám ayırım qoljazba shıǵarmalardan ǵalaba paydalanıwdı támiyinlewshi mádeniy-aǵartıwshılıq hám ilimiy mákeme

KITAPXANA – baspa hám ayırım qoljazba shıǵarmalardan ǵalaba paydalanıwdı támiyinlewshi mádeniy-aǵartıwshılıq hám ilimiy mákeme

KITAPXANA – baspa hám ayırım qoljazba shıǵarmalardan ǵalaba paydalanıwdı támiyinlewshi mádeniy-aǵartıwshılıq hám ilimiy mákeme; turaqlı túrde baspa shıǵarmalardı toplaw, saqlaw, úgit-násiyatlaw hám kitapqumarlarǵa jetkeriw, sonday-aq, málimleme-bibliografiya jumısları menen shuǵıllanadı, xalıqtıń mádeniy dárejesin arttırıwda belsendilik kórsetedi. Kitapqumarlarga xizmet kórsetiw Kitapxananıń tiykarģı iskerligi bolip, qalgan barlıq iskerlikler (kitap fondın tolıqtırıw hám oni shólkemlestiriw, fond mazmunın jaritiw, oni kitapqumarlarga jetkeriw sıyaqlılar) tiykarģı iskerlik ushin xizmet etedi. Kitapqumarlarǵa xızmet kórsetiwdiń tiykarǵı maqseti olardıń málimleme hám ádebiyatqa bolǵan talapların ilajı barınsha tolıq qanaatlandırıw hám ádebiyat tańlawına járdem beriwden ibarat. Hár bir Kitapxana óz túrine qaray kitapqumarlardı qatlamlarǵa bólip, óz aldına kitapqumarlar toparlarına ajıratqan halda xızmet kórsetiwdi shólkemlestiredi. Ádebiyatlardı úgit-násiyatlawdıń barlıq forma hám usılları oqıwshılardıń talabın imkanı bolǵanınsha tolıq hám tezlik penen qanaatlandırıwǵa qaratıladı.