Moynaqta Ǵárezsizlik quwanıshı

Moynaqta Ǵárezsizlik quwanıshı

Moynaqta Ǵárezsizlik quwanıshı: “Mádeli” awıl puqaralar jıyınında “Ǵárezsizlik toyı” festivalı joqarı ruwxta bolıp ótti!

Elimiz boylap Ózbekstan Respublikası Mámleketlik ǵárezsizliginiń 35 jıllılıǵı múnásibeti menen “Bir Watan hám bir xalq bolıp, jańa turmıs hám kelejek quramız!” uranı astında ruwxiy-aǵartıwshılıq hám mádeniy ilajlar dawam etpekte.

Usı múnásibet penen Moynaq rayonınıń “Mádeli” awıl puqaralar jıyınında birge islesiwshi shólkemler menen keń kólemli bayram festivalı shólkemlestirildi. Ilajdı Moynaq rayonı hákimi orınbasarı B.Jamalova kiris sózi menen ashıp berip, aymaq xalqına bayram qutlıqlawların bildirdi.
Festival sheńberinde birge islesiwshi shólkemler tárepinen tómendegi ilajlar ótkerildi:
“Kelejek” orayı: Balalar ushın hár qıylı qızıqlı oyınlar, quwnaq jarıslardı;
Sport mektebi: Jaslar arasında sporttıń futbol túri boyınsha jarısın;
Málimleme-kitapxana orayı: Xalqımızdıń kitapqa bolǵan qızıǵıwshılıǵın arttırıwǵa qaratılǵan kitapxanlıq hám ádebiy ilajlardı;
Rayonlıq Ruwxıy aǵartıwshılıq bólimi: Nuranıylar hám jas áwlad arasındaǵı awızbirshilikti bekkemlew maqsetinde “Úsh áwlad ushırasıwı” hám “Zakovat” intellektual oyının;
Rayonlıq Shańaraq hám hayal-qızlar bólimi: Milliy qádiriyatlarımızdı uluǵlaw hám hayal-qızlardıń jámiyettegi ornın kórsetiw maqsetinde “Milliy qádiriyatlar — millet maqtanıshı” atamasında ilaj hám kórgezbeler shólkemlestirdi.
Rayonlıq Mádeniyat bólimi: Kórkem óner hám mádeniyat xızmetkerleri tárepinen atqarılǵan kewilli qosıqlar hám koncert baǵdarlaması jiynalǵanlarǵa haqıyqıy bayram kaypiyatın berdi.

Bul sıyaqlı ruwxıy-aǵartıwshılıq, milliy hám sport ilajları aymaq xalqınıń awızbirligin arttırıwǵa, jaslardı watanpárwarliq hám milliy qádiriyatlar ruwxında tárbiyalawǵa xızmet etpekte.