15-may – Xalıqaralıq shańaraq kúni

15-may – Xalıqaralıq shańaraq kúni

#15_may_shańaraq_kúni

15-may – Xalıqaralıq shańaraq kúni múnásibeti menen “Shańaraǵımız – keleshegimiz” súreni astında Moynaq rayonı Málimleme-kitapxana orayında Tallı ózek máhállesi menen birgelikte “Shańaraq – miyrim-shápáát besigi” atamasında mazmunlı hám qızǵın keshe  bolıp ótti. Keshemizde kóp jıllıq turmıs tájiriybesine iye bolǵan qáyin ene hám jas kelinler óz-ara sáwbetlesip, shańaraq tatıwlıǵı, mehir-muhabbat, sabır-taqat hám húrmet haqqında jıllı pikirler alıstı. Áwladlar ushırasıwı túrinde ótken bul sáwbetler hámmege turmıslıq sabaq hám ruwxıy azıq boldı. Keshemizge mektep oqıwshıları hám 10- sanlı balalar baqshası tayarlaģan konsert baģdarlaması menen dawam etti. Kekselerimizdiń danıshpanlıǵı, jaslardıń kúsh-ǵayratı menen únlesken bul ushırasıw shın mánisinde shańaraq – mehir hám miyrim besigi ekenin jáne bir márte kórsetti. Bunday iygilikli ilájlar jámietimizde salamat ortalıq, bekkem shańaraqlar hám baxıtlı áwladlar kamalǵa keliwine xızmet etedi. Keshemiz dawamında “Shańaraq bekkemligi-jámiyet abadanlıģı” atamasında kórgizbe shólkemlestirildi hám  20 ģa shamalas kitaplar qoyıldı.