Ata-babalardıń mártligi – búgingi tınıshlıǵımızdıń tiykarı

Ata-babalardıń mártligi – búgingi tınıshlıǵımızdıń tiykarı

Ata-babalardıń mártligi – búgingi tınıshlıǵımızdıń tiykarı

Ekinshi jer júzilik urıs – tariyxtıń eń awır, eń sınaqlı betlerinen biri. Bul urıs kóplegen watanlaslarımızdıń qálbinde óshpes iz qaldırdı. Búgingi tınısh hám paraxat turmısımız mine usınday pidayı insanlar, márt hám batır ata-babalarımızdıń sheksiz mártligi, mashaqatlı miyneti esabınan qolǵa kirgizilgen biybaha baylıq bolıp esaplanadı.

9-may – Eslew hám qádirlew kúni múnásibeti menen Moynaq rayonındaǵı “Hásiretli ana” qıyabanında eslew ilajı ótkerildi. Ilaj dawamında “Hásiretli ana” esteligine gúller qoyılıp, urısta janın pidá etken márt hám batır ata-babalarımız eske alındı, olarǵa tereń tájim etildi.Ilajda rayon hákimi Baxtiyar Menglibekov shıǵıp sóylep, búgingi tınıshlıǵımızdıń qádirine jetiw, ata-babalarımızdıń mártligin umıtpaw hár birimizdiń muqaddes minnetimiz ekenin atap ótti.Sanlardıń artında bolsa táǵdirler, kóz jaslar, sabır hám mártlik jámlengen:
4113 moynaqlı ásker urista qatnasqan;
2147 adam watanǵa qaytqan.
897 adam jaradar bolǵan;
276 adam haqqında bolsa “qara qaǵaz” kelgen.

Bul tek ǵana front artındaǵı emes, front artındaǵı pidayılıqtı da eske túsiredi. Urıs jıllarında hayallar hám balalar balıq hám balıq ónimlerin tayarlap, jawıngerlerge jetkerip turǵan. Moynaq xalqı jeńiske áne usınday múnásip úles qosqan. Estelik – bul ótmishti eslew emes, al keleshek aldındaǵı juwapkershilikti seziw. Ata-babalarımızdıń mártligi búgingi tınıshlıǵımızdıń tiykarı, erteńgi kúnimizdiń kepili bolıp esaplanadı.