“Ana diyar – reńler jilwasında” temasında máhálle belsendileri

“Ana diyar – reńler jilwasında” temasında máhálle belsendileri

Insan baxıtlı boliwi ushin erkin boliwi, erkin boliwi ushin ģárezsiz boliwi kerek eken, demek, en dáslep, gárezsizliktiń mazmun-mánisin ańlap aliw kerek. Ǵárezsizliktiń mánisi insan óz táǵdirine ózi iyelik etiw huqıqı ekenin ańlap jetiw hám onı jáne de bekkemlewge umtılıw kerek ekenligin túsiniw, qashan hár bir insan áne usı ápiwayı haqıyqattı túsinip jetse, yaǵnıy bul pikir adamlardıń qálbinen orın alsa, áne sonda ol milletti birlestiretuǵın hám rawajlanıwǵa jetekleytuǵın milliy pikirge aylanadı. Demek, milliy pikir-gárezsizlikti ańlaw, bahalaw hám oni bekkemlewge shaqırıwshı kózqaraslardı ańlatadi. Ǵárezsizligimizdiń 34 jıllıǵına baǵıshlap, “Watan ushın, millet ushın, xalıq ushın” súreni astında “Ana diyar – reńler jilwasında” temasında máhálle belsendileri, analarımız hám kitapqumarlarımız arasında dógerek sáwbeti shólkemlestirildi. Keshede insandaǵı eń joqarı sezim – Watan tuyǵısı. Ózi tuwılıp ósken ana jurtın janınday súyetuǵın, ózge jurt tábiyatınan óz jurtı tábiyatınday zawıq ala almaytuǵın, úlkesindegi úlken-kishi tabıslardan maqtanatuǵın, hátteki kishkene qumırısqanıń háreketinen zawıqlanatuǵın pútkil aqıl-parasatı, júrek kúyi, kúsh hám imkaniyatın usı jámiyet hám tábiyattıń gózzallıǵı, rawajlanıwına baǵıshlay alǵan insanda ǵana bul sezimniń payda bolatuǵını haqqında oǵada mánili sózler tıńlandı.